Tjaldstæðið Stóra-Hofi

Félagsfólki stendur til boða glæsilegt tjaldsvæði að Stóra-Hofi. Á svæðinu er mjög góð aðstaða fyrir tjöld, húsbíla, fellihýsi og aðra ferðavagna. Þar er stórt þjónustuhús til afnota fyrir gesti., veðursæld mikil og gott leiksvæði fyrir börn. Þar er einnig 9 holu frisbí-gólf völlur. Rafmagn er til staðar á stórum hluta tjaldsvæðisins.

Tjaldsvæðið er aðeins ætlað félagsfólki Byggiðnar og fjölskyldum þeirra en félagsfólk getur boðið gesti/gestum að dvelja með sér á tjaldsvæðinu, þó aldrei meira en sem samsvarar einu tjaldstæði. Heimilt er að hafa gæludýr á tjaldsvæðinu. 

Búið er að taka í notkun nýtt og glæsilegt þjónustuhús sem hefur gjörbreytt allri aðstöðu á svæðinu fyrir gesti.

Stefnt er á að tjaldvæðið sé opið frá og með Hvítasunnu að vori til loka ágúst. Það er auðvitað háð aðstæðum hverju sinni. Frekari upplýsingar um opnun eru í fréttum á heimasíðunni.

Verðskrá tjaldsvæðis 2026

Greitt er fyrir hverja gistieiningu, Tjald, tjaldvagn, fellihýsi, hjólhýsi eða húsbíll pr. Sólahring:

Svæði A – rafmagn innifalið:

• Félagsmaður         kr. 2.500
• Utanfélagsmaður   kr. 4.000

Svæði B – án rafmagns

• Félagsmaður         kr. 1.800
• Utanfélagsmaður   kr. 3.000

Umsjónarmaður svæðisins, Eyþór Brynjólfsson, fer um svæðið og innheimtir aðstöðugjaldið. Við viljum beina því til gesta sem ekki þurfa rafmagn að setja sig niður þar sem rafmagnsstaurar eru ekki. Þeir sem tengjast rafmagni, tengist aðeins einn í hvern tengil.