Ráðningarsamningur
Hvenær þarf að gera ráðningarsamning?
Samkvæmt kjarasamningi Samiðnar og SA skal gera ráðningarsamning ef ráðning er lengri en 1 mánuður og að meðaltali yfir 8 klst. á viku. Samningurinn á að liggja fyrir eigi síðar en 2 mánuðum eftir að starf hefst og vera skriflegur eða staðfest skriflega.
Hætti starfsmaður áður en tveggja mánaða frestur er liðinn án þess að skriflegt liggi fyrir, skal útbúa skriflega staðfestingu við starfslok.
Allar breytingar á ráðningarkjörum umfram það sem leiðir af lögum/kjarasamningum skal staðfesta skriflega innan 1 mánaðar frá gildistöku þeirra.
Hvaða atriði eiga að koma fram í samningi?
Í ráðningarsamningi (eða skriflegri staðfestingu ráðningar) skal minnst koma fram:
- Deili á aðilum (þ.m.t. kennitölur).
- Vinnustaður og heimilisfang vinnuveitanda (eða að starfið sé á mismunandi stöðum).
- Titill/staða og stutt lýsing á starfi.
- Fyrsti starfsdagur.
- Lengd ráðningar (ef tímabundin).
- Orlofsréttur.
- Uppsagnarfrestur vinnuveitanda/starfsmanns.
- Laun (t.d. tilvísun í taxta), launagrunnur yfirvinnu, önnur hlunnindi og greiðslutímabil.
- Lengd venjulegs vinnudags eða vinnuviku.
- Lífeyrissjóður.
- Tilvísun til gildandi kjarasamnings og stéttarfélags.
Upplýsingar samkvæmt liðum 6–9 má gefa með tilvísun í kjarasamninga.
Starf erlendis (≥ 1 mánuður)
Sé starfsmanni falið að starfa í öðru landi í einn mánuð eða lengur skal hann fá skriflega staðfestingu ráðningar fyrir brottför. Auk upplýsinga skv. gr. 1.11.4. skal eftirfarandi koma fram::
- Áætlaður starfstími erlendis.
- Gjaldmiðill launa.
- Uppbætur/hlunnindi vegna starfs erlendis.
- Skilyrði fyrir heimkomu eftir atvikum.
Upplýsingar um gjaldmiðil og uppbætur má gefa með tilvísun í lög eða kjarasamninga.
Tímabundnar ráðningar
Um tímabundnar ráðningar gilda ákvæði laga nr. 139/2003 um tímabundna ráðningu starfsmanna.